Журы выбрала тры эскізныя праекты памятнага знака (мемарыяла) у Курапатах. Аб гэтым 11 чэрвеня журналістам паведаміў рэктар Беларускай дзяржаўнай акадэміі мастацтваў Міхаіл Баразна.
У конкурсе ўдзельнічала 32 праекты. Журы выбрала тры, якія вызначаюцца найбольшай арыгінальнасцю і мастацкай выразнасцю. Міхаіл Баразна адзначыў, што варыянты маюць патрэбу ў дапрацоўцы, у прыватнасці, з улікам архітэктурнай прывязкі, перспектыў добраўпарадкавання і гэтак далей.
Дапрацаваныя эскізы павінны быць прадстаўлены журы да 1 ліпеня.
На здымку: адзін з прыкладаў мемарыяльнага знака.