Абласны этап спартыўна-патрыятычнай гульні "Зарніца" сабраў 250 школьнікаў з усёй Гомельскай вобласці.
Гульня праходзіць з 4 па 12 чэрвеня на тэрыторыі дзіцячага рэабілітацыйна-аздараўленчага цэнтра "Пралеска" ў вёсцы Цупер Жлобінскага раёна. На беразе Дняпра ў профільным палатачным лагеры сабраліся 25 каманд - пераможцы раённых этапаў гульні. У складзе кожнай з іх па 10 чалавек ва ўзросце 13-14 гадоў.
Юныя армейцы змагаюцца ў ваенна-прыкладных, турысцкіх, спартыўных, інтэлектуальных і іншых спаборніцтвах.
Арганізатары мерапрыемства - упраўленне адукацыі аблвыканкама, абласны Палац творчасці дзяцей і моладзі, ваенна-транспартны факультэт БелДУТ, сілавыя ведамствы і грамадскія арганізацыі.
На здымку: у час выканання практыкавання па зборцы-разборцы аўтамата Калашнікава курсант Юрый Зубар і юны армеец Улад Македон.