У Інстытуце рускага рэалістычнага мастацтва ў Маскве адкрылася выстава жывапісных работ "Ніскі. Гарызонт". Рэтраспектыўная выстава стала буйнейшым праектам, прысвечаным гомельскаму мастаку, лаўрэату Дзяржаўнай прэміі СССР Георгію Ніскаму, чыё імя гучала ў 1950-1960-я гады.
Цяпер дзякуючы маскоўскаму мецэнату і знатаку работ Ніскага Аляксею Ананьеву імя мастака набывае новую славу. На выставе сабраны работы Георгія Ніскага з 25 музеяў Расійскай Федэрацыі, але галоўнымі сталі работы майстра з фондаў музея Палаца Румянцавых і Паскевічаў у Гомелі.
На здымку: на адкрыцці выставы Георгія Ніскага.