Дакументы Нацыянальнага архіва Беларусі, якія падрабязна раскрываюць злачынства гітлераўскіх акупантаў і іх памагатых супраць мірнага насельніцтва вёскі Хатынь, склалі аснову выставы "Хатынь - святыня нацыянальнай памяці". Яна прымеркавана да 75-годдзя з дня трагедыі беларускай вёскі, спаленай разам з жыхарамі фашысцкімі акупантамі 22 сакавіка 1943 года.
Фотавыстава сфарміравана з дакументаў беларускіх партызанскіх фарміраванняў, нямецкіх справаздач аб падзеях таго дня, паказанняў былых карнікаў і сведкаў іх злачынстваў.