У пасёлку Стрэшын Жлобінскага раёна, дзе жыве сям'я Эльдара і Гулжамол Насіравых, шануюць іранскія, азербайджанскія і беларускія традыцыі. У сям'і размаўляюць на некалькіх мовах, захоўваюць звычаі розных народаў, аднолькава любяць шурпу, духмяны плоў і беларускія дранікі.
Гулжамол іранка па нацыянальнасці, у 18 гадоў прыехала ў Беларусь з Бухары, Эльдар нарадзіўся ў Азербайджане, прайшоў службу ў Хабараўску. Пазнаёміліся яны ў Беларусі і разам ужо 28 гадоў. Гулжамол узначальвае Навамаркавiцкi сельскі Дом культуры і шмат гадоў займаецца вышываннем. Эльдар Насіраў узначальвае ААТ "Прыбудскі".
На здымку: Гулжамол і Эльдар Насіравы
