Мінскі дзяржаўны аўтамеханічны каледж у гэтым годзе ўпершыню зрабіў набор на падрыхтоўку будучых спецыялістаў, здольных ажыццяўляць абслугоўванне і рамонт электрамабіляў. У дысцыплінах спецыяльнасці "Тэхнічная эксплуатацыя аўтамабіляў" цяпер закладзена тэматыка абслугоўвання, дыягностыкі і рамонту электрамабіляў.
На базе каледжа створаны ўнікальны рэсурсны цэнтр. Тут навучаюцца будучыя слесары па рамонце аўтамабіляў і тэхнікі-механікі. Тут жа будуць рыхтаваць спецыялістаў па абслугоўванні электрамабіляў.
На здымку: загадчык лабараторыі Уладзімір Астроўскі праводзіць заняткі на дзеючым макеце электрамабіля.