2 верасня ў Беларусі ўпершыню прымаюць вучняў восем школ, з іх дзве - у Мінску. На адкрыццё сярэдняй школы нумар 93 запрошаны кіраўнік дзяржавы Аляксандр Лукашэнка. Будынак школы, разлічаны на 792 чалавекі, размешчаны на вуліцы Герояў 120-й дывізіі і знаходзіцца сярод шматпавярховых жылых дамоў. Раён густанаселены, тут узводзіцца шмат жылля, а вось адукацыйных устаноў для дзяцей і падлеткаў не хапала.
На здымку: настаўніца працы Настасся Саўчык.
