Тры сіласныя траншэі, разлічаныя на захоўванне 9 тыс. т сакавітых кармоў, пачалі будаваць у філіяле СВУ "Антонаўка-Агра" РВУП "Гомельаблгаз" Жлобінскага раёна. Увесці ў строй іх плануецца ў верасні. Будаўніцтва дадатковых сховішчаў абумоўлена расшырэннем выпуску малака і павелічэннем пагалоўя малочнага статка ў гаспадарцы. У рамках рэалізацыі Дзяржаўнай праграмы развіцця аграрнага бізнесу на 2016-2020 гады ў гаспадарцы нядаўна ўведзены ў эксплуатацыю новы даільна-малочны комплекс, а колькасць буйной рагатай жывёлы павялічылася на 700 галоў.
Філіял СВУ "Антонаўка-Агра" РВУП "Гомельаблгаз" з'яўляецца адным з буйнейшых у Жлобінскім раёне і лепшым па паказчыках атрымання малака і мяса.
На здымку: рабочы-будаўнік падраднага прадпрыемства ПУП "Бемекар" Іван Каламіец.
