Парламентарыі маюць намер гуманізаваць крымінальнае заканадаўства для непаўналетніх. Аб гэтым паведаміў 9 лістапада журналістам член Пастаяннай камісіі па нацыянальнай бяспецы Палаты прадстаўнікоў Нацыянальнага сходу Беларусі Васіль Чакан.
У выхаваўчай калоніі нумар 2 упраўлення Дэпартамента выканання пакаранняў МУС па Магілёўскай вобласці праходзіць семінар Палаты прадстаўнікоў па пытаннях практыкі прымянення Крымінальна-выканаўчага заканадаўства Беларусі ў адносінах да непаўналетніх асуджаных, павышэння эфектыўнасці іх рэсацыялізацыі і сацыяльнай адаптацыі.
На здымку: у час наведвання выхаваўчай калоніі.