13 лютага ў арт-прасторы "Верх" адбылося адкрыццё форуму эксперыментальных тэатраў "ПлаЅтформа Мінск". Форум, які праходзіць з 13 па 19 лютага, прадстаўляе гледачам шырокую панараму пластычнага эксперымента ў Беларусі і замежных краінах.
Спектаклі "ПлаЅтформы-2018" паказваюць на пяці сцэнах: у культурным інкубатары Ok16, Рэспубліканскім тэатры беларускай драматургіі, шматфункцыянальнай арт-прасторы "Верх", Беларускім дзяржаўным тэатры лялек, Нацыянальным цэнтры сучасных мастацтваў. З кожным годам "ПлаЅтформа" набывае ўсё большы аўтарытэт і вядомасць не толькі ў Беларусі, але і за яе межамі. Сярод удзельнікаў цяперашняга форуму - калектывы з Беларусі, Польшчы, Украіны, Нарвегіі.
На здымку: рэжысёр пастаноўкі "З кропкі А ў кропку В" Валерыя Хрыпач.