Адкрыццё бронзавай скульптуры Сальвадора Далі "Трыумфальны слон" вышынёй амаль 6 м і вагой больш за 2,5 т адбылося 14 сакавіка ў цэнтры Мінска, на скрыжаванні вуліц Зыбіцкай і Герцэна.
Скульптура "Трыумфальны слон" была задумана ў 1975 годзе, упершыню выканана ў 1984-м. Слон з ненатуральна доўгімі нагамі ўпершыню з'яўляецца ў творчасці Далі ў 1946 годзе і становіцца адным з любімых і тыражаваных вобразаў мастака. Раней скульптура выстаўлялася ў Шанхаі, Бахрэйне, Дубаі, Хайфе і Льежы.
На здымку: у час цырымоніі.