Абласны агляд-конкурс творчасці інвалідаў сабраў у Віцебску 35 удзельнікаў з усіх раёнаў рэгіёна. Мерапрыемства адбылося ў абласной філармоніі. За перамогу змагаліся асобныя выканаўцы, творчыя калектывы і аматарскія аб'яднанні ТЦСАН, псіханеўралагічных дамоў-інтэрнатаў для састарэлых і інвалідаў, дамоў-інтэрнатаў для дзяцей з асаблівасцямі развіцця.
Арганізатары - упраўленне культуры і камітэт па працы, занятасці і сацыяльнай абароне Віцебскага аблвыканкама, рэгіянальныя структуры БТЧК і Беларускага фонду міру.
На здымку: Віктар Жораў і Сафія Гайслер з тэрытарыяльнага цэнтра сацыяльнага абслугоўвання насельніцтва Браслаўскага раёна.