У Беларусі эфектыўнасць барацьбы з карупцыяй вельмі высокая. Такое меркаванне выказаў журналістам міністр унутраных спраў Ігар Шуневіч перад калегіяй УУС Магілёўскага аблвыканкама, перадае карэспандэнт БЕЛТА.
"У краіне вядзецца мэтанакіраваная і эфектыўная работа з гэтым сацыяльным злом, - адзначыў міністр. - І мы настолькі празрыстыя, наколькі патрабуе сённяшняя сітуацыя, і стараемся заўсёды асвятляць у прэсе нашу работу і нічога не ўтойваем. Таму можа скласціся ўражанне экстрэмальнай сітуацыі з карупцыяй у цэлым. Гэта абсалютна не так - рэйтынгі Беларусі ў гэтай частцы не самыя горшыя".
Паводле слоў Ігара Шуневіча, вядома, ёсць над чым працаваць. "Тым не менш эфектыўнасць барацьбы з карупцыяй у Беларусі вельмі высокая. Гэта ацэнена і міжнароднымі экспертамі ў тым ліку", - заявіў ён.
На думку міністра, перамагчы гэта сацыяльнае зло немагчыма, што пацвярджаецца гістарычна. "Але ўтаймаваць, зрабіць сітуацыю кіруемай мы можам, і гэта ўжо робіцца", - падкрэсліў ён.