Супрацоўніцтва на рэгіянальным ўзроўні з'яўляецца важным фактарам саюзнай інтэграцыі. Такое меркаванне ўдзельнікам прэс-туру "Актуальныя пытанні супрацоўніцтва Мінскай вобласці з рэгіёнамі Расіі" выказаў намеснік дзяржаўнага сакратара - член Пастаяннага камітэта Саюзнай дзяржавы Аляксей Кубрын, перадае карэспандэнт БЕЛТА.
Аляксей Кубрын падкрэсліў, што ўзаемадзеянне паміж рэгіёнамі Беларусі і Расіі актыўна развіваецца, на саюзных прасторах праводзіцца нямала форумаў, у якіх удзельнічаюць прадстаўнікі дзвюх краін. У рамках Саюзнай дзяржавы рэалізуюцца сумесныя праграмы ў розных сферах.
"Беларусь - дзяржава, якая дынамічна развіваецца, яна дабілася значных поспехаў у прамысловасці, адукацыі, ахове здароўя. Такія прэс-туры вельмі важныя, паколькі даюць магчымасць лепш даведацца аб дасягненнях дзвюх краін. Дакладная інфармацыя дае магчымасць пазбегнуць непаразумення ў двухбаковых адносінах", - адзначыў Аляксей Кубрын.
Расійскія журналісты наведваюць Мінскую вобласць з 31 кастрычніка па 3 лістапада. Арганізатарамі прэс-туру выступаюць Пастаянны камітэт Саюзнай дзяржавы, Нацыянальны прэс-цэнтр і Мінаблвыканкам. Сярод яго ўдзельнікаў - супрацоўнікі выданняў Саюзнай дзяржавы, інфармацыйных агенцтваў, друкаваных і электронных сродкаў масавай інфармацыі з Масквы, Санкт-Пецярбурга, Калінінградскай, Ніжагародскай, Бранскай і іншых абласцей. Усяго ў складзе дэлегацыі каля 30 чалавек. У праграму ўключана наведванне РУП "Слуцкія паясы", ААТ "Слуцкі сыраробны камбінат", Слуцкага дзяржаўнага каледжа, Жодзінскага хлебазавода ААТ "Барысаўхлебпрам", ААТ "БелАЗ", ААТ "Кіруючая кампанія холдынга" Белкамунмаш". Таксама госці азнаёміліся з інфраструктурай і аб'ектамі сацыяльнай сферы Смалявіцкага раёна.
