Мінскі міжнародны кінафестываль "Лістапад" - гэта свята для кінагурманаў, аматараў кінамастацтва. Такое меркаванне выказаў журналістам міністр культуры Беларусі Юрый Бондар на цырымоніі адкрыцця 24-га форуму, перадае карэспандэнт БЕЛТА.
Паводле слоў міністра, для арганізацыі кінападзеі года было накіравана больш за Br670 тыс. Бюджэт фестывалю "Лістапад-2017" сфарміраваны са сродкаў Міністэрства культуры (Br300 тыс.), Мінскага гарвыканкама (Br230 тыс.) і сродкаў спонсараў (Br142 тыс.). Гэта добры прыклад дзяржаўна-прыватнага партнёрства, што трэба развіваць, адзначыў Юрый Бондар.
Сам кіраўнік ведамства таксама плануе паглядзець фільмы фестывалю. У ліку яго прыярытэтаў - фаварыт "Лістапада-2017" "Арытмія", а таксама кінаальманах дэбютных работ беларускіх рэжысёраў "Мы". Юрый Бондар разлічвае ўбачыць многія фільмы нацыянальнага конкурсу.
