Федэрацыі хакея Беларусі і Латвіі правялі вялікую работу для атрымання чэмпіянату свету 2021 года. Такое меркаванне выказаў 19 мая прэзідэнт Міжнароднай федэрацыі хакея (ІІХФ) Рэнэ Фазель, каменціруючы вынікі галасавання па вызначэнні месца правядзення чэмпіянату свету ў 2021 годзе, паведамляе карэспандэнт БЕЛТА.
На думку Рэнэ Фазеля, перамога Мінска і Рыгі была нечаканай для многіх. "У ходзе галасавання адбыўся невялікі канфуз. Давялося правесці другі раўнд, які пацвердзіў вынікі першага тура. Гэта сведчыць толькі аб тым, якую вялікую работу правялі федэрацыі хакея Беларусі і Латвіі, як яны добра папрацавалі. Упэўнены, што турнір будзе не менш паспяховым, чым турніры ў Рызе ў 2006 годзе і ў Мінску ў 2014 годзе", - расказаў ён.
Сёння ў Кёльне праходзіць гадавы кангрэс Міжнароднай федэрацыі хакея (ІІХФ), у час якога Мінск і Рыга атрымалі права правесці чэмпіянат свету па хакеі ў 2021 годзе.
