Амаль 6 тыс. рознічных аб'ектаў гандлю Беларусі прапануюць тавары школьнага асартыменту. Ва ўсіх рэгіёнах арганізавана работа 655 школьных базараў і кірмашоў, аформлена каля 4,4 тыс. куткоў для першакласнікаў і вучняў.
У бягучым годзе пакупнікам прапануецца больш за 400 мадэлей адзення дзелавога стылю для дзяўчынак і хлопчыкаў, амаль 300 мадэлей абутку.
Шырока прадстаўлены асартымент ранцаў, сумак і рукзакоў, канцылярскіх тавараў і школьна-пісьмовых прылад.
Кошт экіпіроўкі (уключаючы адзенне, абутак, школьна-пісьмовыя і канцылярскія тавары):
вучня малодшых класаў - ад Br142 да Br678, у тым ліку ад B110 да Br429 - адзенне і абутак;
старшакласніка - ад Br199 да Br760, у тым ліку ад Br149 да Br495 - адзенне і абутак.
Звяртайце ўвагу на розныя акцыі, прадастаўленне крэдыту, растэрміноўкі плацяжу.
Крыніца: Міністэрства антыманапольнага рэгулявання і гандлю Беларусі.
