Тэрміны вясенняй забароны на лоўлю рыбы ў Беларусі:
з 20 сакавіка па 18 мая - у Брэсцкай і Гомельскай абласцях,
з 1 красавіка па 30 мая - у Мінскай, Магілёўскай і Гродзенскай абласцях,
з 10 красавіка па 8 чэрвеня - у Віцебскай вобласці.
У рыбалоўных угоддзях дзейнічае забарона на лоўлю шчупака - з 1 сакавіка па 15 красавіка, у Віцебскай вобласці - з 9 сакавіка па 25 красавіка; сома звычайнага - з 1 лістапада па 31 сакавіка.
Аматарскае рыбалоўства таксама забаронена на некаторых вадаёмах, участках рэк і каналаў*.
У перыяд забароны дазваляецца аматарскае рыбалоўства:
у светлы час сутак,
з берага (без заходу ў ваду) або з лёду, са штучных збудаванняў*:
адной вудай з адным кручком
або адным спінінгам, аснашчаным штучнай прынадай,
з адным адзінарным, двайным або трайным кручком.
Маламернымі суднамі ў перыяд забароны карыстацца не дазваляецца.
Штраф за незаконную рыбную лоўлю - да 50 базавых велічынь (БВ) або прыцягненне да крымінальнай адказнасці, калі памер шкоды перавысіць 100 БВ.
* Iнфармацыя размешчана на сайце http://gosinspekciya.gov.by/
** За выключэннем чыгуначных і іншых мастоў, плацін, шлюзаў, помпавых станцый і іншых гідратэхнічных збудаванняў, адносна якіх устаноўлены абмежаванні і забароны на гаспадарчую і іншую дзейнасць, і на адлегласці бліжэйшай за 50 метраў у абодва бакі ад іх.
Крыніца: Дзяржінспекцыя аховы жывёльнага і расліннага свету пры Прэзідэнце Беларусі.