Бюджэт пражытачнага мінімуму (БПМ) у сярэднім на душу насельніцтва ў разліку на месяц з 1 жніўня па 31 кастрычніка 2019 года складзе Br230,91. БПМ павышаецца на Br6,89.
Памер новага БПМ для асноўных сацыяльна-дэмаграфічных груп:
працаздольнага насельніцтва - Br257,05;
пенсіянераў - Br176,75;
студэнтаў - Br223,93;
дзяцей ва ўзросце да 3 гадоў - Br147,18;
дзяцей ва ўзросце ад 3 да 6 гадоў - Br203,38;
дзяцей ва ўзросце ад 6 да 18 гадоў - Br250,19.
У сувязі з павышэннем БПМ з 1 лістапада павялічацца: мінімальныя працоўныя пенсіі; сацыяльныя пенсіі; даплаты пенсіянерам ва ўзросце 75 гадоў і старэйшым, якія атрымліваюць пенсіі ў органах па працы, занятасці і сацабароне; надбаўкі да пенсій і павышэнні пенсiй асобным катэгорыям пенсіянераў; дапамогі па догляду інваліда I групы або асобы, якая дасягнула 80 гадоў; дзяржаўныя дапамогі сем'ям, якія выхоўваюць дзяцей.
Крыніца: пастанова Міністэрства працы і сацыяльнай абароны Беларусі ад 19 ліпеня 2019 года №37.