Тэрмін дзеяння праграмы сямейнага капіталу прадаўжаецца з 1 студзеня 2020 года па 31 снежня 2024 года з пашырэннем напрамкаў яго датэрміновага выкарыстання зыходзячы з інтарэсаў шматдзетных сем'яў.
Базавы памер сямейнага капіталу на 1 студзеня 2020 года складзе Br22,5 тыс. і будзе штогод індэксавацца ў залежнасці ад тэмпаў росту спажывецкіх цэн.*
Хто мае права на назначэнне сямейнага капіталу:
грамадзяне Беларусі пры нараджэнні (усынаўленні, удачарэнні) трэцяга або наступных дзяцей, калі з улікам народжанага дзіцяці ў сям'і выхоўваюцца не менш як трое дзяцей ва ўзросце да 18 гадоў.
Дзе аформіць:
у мясцовых выканаўчых і распарадчых органах на працягу 6 месяцаў з дня нараджэння (усынаўлення, удачарэння) трэцяга і наступных дзяцей.
Калі і як можна выкарыстоўваць:
праз 18 гадоў з даты нараджэння дзіцяці, у сувязі з нараджэннем (усынаўленнем, удачарэннем) якога атрымана права на яго назначэнне;
на паляпшэнне жыллёвых умоў;
на атрыманне адукацыі, паслуг у сферы сацыяльнага абслугоўвання, аховы здароўя;
на фарміраванне накапляльнай пенсіі маці.
Датэрміновае выкарыстанне:
паляпшэнне жыллёвых умоў шматдзетных сем'яў, якія знаходзяцца на ўліку маючых патрэбу ў паляпшэнні жыллёвых умоў;
атрыманне паслуг у сферы адукацыі;
атрыманне платных медыцынскіх паслуг.
Шматдзетныя сем'і, якім сямейны капітал назначаны па праграме 2015-2019 гадоў, таксама маюць права на датэрміновае выкарыстанне гэтых сродкаў па пералічаных напрамках.
* Гэтыя сродкі будуць размяшчацца ва ўклады (дэпазіты) "Сямейны капітал" у ААТ "ААБ Беларусбанк".
Крыніца: указ ад 18 верасня 2019 года №345 "Аб сямейным капітале".