Дзеянні ў выпадку пагрозы ўзнікнення паводкі:
адключыце газ і электрычнасць;
патушыце агонь у печах;
перанясіце мэблю, электрапрыборы і іншую маёмасць на верхнія паверхі, паддашкі;
зачыніце вокны і дзверы;
пераганіце жывёлу ў бяспечнае месца, адвяжыце сабак;
дровы і ўсе прадметы, якія могуць пасплываць пры ўздыме вады, перанясіце ў хлеў;
з падвалаў вынесіце агародніну і ўсё, што можа сапсавацца ад вады;
папярэдзьце суседзяў, дапамажыце дзецям, старым і інвалідам пакінуць небяспечнае месца;
займіце верхнія паверхі, паддашкі, дахі будынкаў;
падрыхтуйцеся да магчымай эвакуацыі.
Пры эвакуацыі:
вазьміце з сабой дакументы, грошы, каштоўнасці,
цёплае адзенне і боты,
прадукты харчавання і ваду на некалькі дзён,
медыкаменты,
прадметы асабістай гігіены.
Пры ўзнікненні няштатнай сітуацыі:
не страчвайце самавалодання і не паддавайцеся паніцы;
званіце па тэлефоне 101.
Крыніца: МНС Беларусі.
