Пашпарт - асноўны дакумент грамадзяніна Рэспублікі Беларусь.
Уяўляе сабой кніжны блок памерам 125 x 88 мм з закругленымі вугламі, які складаецца з вокладкі і 32 пранумараваных старонак.
Вокладка пашпарта выраблена з матэрыялу цёмна-сіняга колеру, на якой з імітацыяй залатога ціснення выкананы:
надпісы на беларускай, рускай і англійскай мовах "РЭСПУБЛIКА БЕЛАРУСЬ", "РЕСПУБЛИКА БЕЛАРУСЬ", "REPUBLIC OF BELARUS";
выява Дзяржаўнага герба Беларусі;
надпісы на беларускай, рускай і англійскай мовах "ПАШПАРТ", "ПАСПОРТ", "PASSPORT".
У пашпарт уносяцца наступныя звесткі пра асобу грамадзяніна:
прозвішча, імя, імя па бацьку (калі такое ёсць);
фатаграфія ўладальніка;
чысло, месяц, год нараджэння;
месца нараджэння;
ідэнтыфікацыйны нумар;
пол;
адзнакі аб дзецях уладальніка пашпарта, якія не дасягнулі 16-гадовага ўзросту;
адзнака аб уступленні ў шлюб.
З 2012 года пашпарт павінен мець кожны грамадзянін Беларусі, якому споўнілася 14 гадоў. Для выезду за мяжу пашпарт афармляюць і на дзяцей малодшых за 14 гадоў.
Пашпарт выдаецца тэрмінам на 10 гадоў.
Абмен пашпарта робіцца ў сувязі з:
дасягненнем 14 гадоў;
заканчэннем тэрміну дзеяння;
змяненнем прозвішча, імя, імя па бацьку;
расходаваннем лістоў, прызначаных для віз;
змяненнем палавой прыналежнасці;
непрыгоднасцю для выкарыстання;
устанаўленнем недакладнасцей у запісах;
стратай (крадзяжом) пашпарта.
Кошт і тэрміны афармлення пашпарта:*
Месяц - Br25,5 (адна БВ);
15 дзён - Br51 (дзве БВ);
7 дзён - Br76,5 (тры БВ).
Без візы па беларускім пашпарце можна ўехаць у 79 краін.
У рэйтынгу Passport Index беларускі пашпарт займае 53-е месца.*
*Па стане на 12.03.2019.
Крыніца: МУС, www.passportindex.org.