Усяго з верасня ў школах і гімназіях прыйдуць на заняткі 1,1 млн вучняў, у тым ліку 110 тыс. першакласнікаў.
Тэма першага ўрока - "Мне выпала шчасце тут нарадзіцца".
У 2018/2019 навучальным годзе ў краіне будзе функцыянаваць:
51 ВНУ (42 дзяржаўныя, 9 прыватных);
111 устаноў сярэдняй спецыяльнай адукацыі;
131 установа прафесійна-тэхнічнай адукацыі;
3038 устаноў агульнай сярэдняй адукацыі (у тым ліку 206 гімназій, 25 ліцэяў, 857 вучэбна-педагагічных комплексаў*);
2945 дзіцячых садоў.
З 1 верасня адкрываюцца школы-новабудоўлі ў Мінску, Бабруйску і ў пасёлку Лескаўка Мінскага раёна. Таксама ў 2018 годзе будуць адкрыты тры новыя школы (дзве ў Мінску і адна ў Крычаве - па 1020 вучняў кожная) і 17 устаноў дашкольнай адукацыі.
Будзе арганізаваны падвоз да месца навучання амаль 72,3 тыс. вучняў. Будуць выкарыстоўвацца больш як 1,5 тыс. школьных аўтобусаў.
На 2018/2019 навучальны год запланавана выданне 56 навучальных дапаможнікаў (44 новыя, 12 - перавыданне).
* Дзіцячы сад-школа, яслі-сад-школа і да т.п.
Крыніца: Міністэрства адукацыі Беларусі.
