З 1 студзеня 2019 года жыхары краін ЕАЭС, якія падарожнічаюць наземным транспартам, змогуць бяспошлінна ўвозіць тавары для асабістага карыстання (за выключэннем этылавага спірту, алкагольных напіткаў, піва*, недзялімых тавараў для асабістага карыстання) на суму не больш як 500 еўра і вага якіх не перасягае 25 кг.
Змяненні прадугледжаны рашэннем Савета Еўразійскай эканамічнай камісіі №91 ад 1 лістапада 2018 года.
За перавышэнне нормы трэба будзе аплаціць пошліну:
30% ад кошту, але не менш як 4 еўра за 1 кг вагі ў частцы перавышэння вартаснай і (або) вагавой норм.
Раней такія ліміты планавалася ўводзіць паступова:
з 1 студзеня 2019 года па 31 снежня 2019 года - 1000 еўра і 50 кг.
з 1 студзеня 2020 года па 31 снежня 2020 года - 750 еўра і 35 кг.
з 1 студзеня 2021 года - 500 еўра і 25 кг.
Цяпер бяспошлінна ўвезці тавары для асабістага карыстання ў ЕАЭС можна на суму не вышэйшую за 1500 еўра і вагой не больш за 50 кг.
Новыя ліміты будуць дзейнічаць для жыхароў усіх 5 краін, якія ўваходзяць у ЕАЭС:
Беларусі,
Расіі,
Казахстана,
Арменіі,
Кыргызстана.
* Норма бяспошліннага ўвозу алкагольных напіткаў складае 3 л у разліку на аднаго чалавека, які дасягнуў 18-гадовага ўзросту.
Крыніца: Еўразійская эканамічная камісія.