За студзень-красавік 2019 года зарэгістравана 537 такіх крадзяжоў, з іх толькі за красавік - 245. Устаноўлены 234 асобы, якія ўчынілі гэтыя крадзяжы. Больш за ўсё крадзяжоў у Мінскай вобласці, менш - у Магілёўскай.
Часцей за ўсё крадуць:
незаблакіраваныя замкамі веласіпеды;
з лесвічных пляцовак пад'ездаў шматкватэрных жылых дамоў;
з вуліц і двароў прыватных дамоў;
у дзённы час, калі большасць жыльцоў знаходзяцца на рабоце.
На вуліцах больш за ўсё крадзяжоў веласіпедаў адбываецца ў перыяд з 11 да 22 гадзін.
Крадзяжы ўчыняюць падлеткі, студэнты, злачынцы са стажам, бамжы і наркаманы.
Прафілактычныя рэкамендацыі:
не пакідаць веласіпед без нагляду;
абавязкова прымацоўваць надзейнымі велазамкамі не толькі раму, але і кола;
пакідаць веласіпед варта ў найбольш людным месцы і ў полі зроку камер відэанагляду;
зняць велакамп'ютар, помпу і іншыя каштоўныя рэчы;
не перадаваць веласіпед незнаёмым людзям з просьбай пракаціцца;
не прасіць панаглядаць за веласіпедам незнаёмых асоб;
перапісаць серыйны нумар веласіпеда ў тэхпашпарт;
аформіць усе дакументы на веласіпед пры куплі і захоўваць іх, запісаць нумар рамы, сфатаграфаваць веласіпед;
дадаткова прамаркіраваць у спецыялізаванай арганізацыі раму і іншыя асноўныя вузлы веласіпеда.
Не набываць веласіпед у незнаёмых асоб пры адсутнасці на яго дакументаў - ён мог быць украдзены і некалькі разоў перапрададзены.
Калі крадзеж усё ж такі здарыўся, то пацярпелы або сведка павінен як мага хутчэй звярнуцца ў міліцыю.
Крыніца: Міністэрства ўнутраных спраў Беларусі
