Сцяг Пятніца, 29 сакавіка 2024
Усе навіны
Усе навіны
Інфаграфіка
13 лютага 2018, 14:38

Як працуюць мясцовыя Саветы дэпутатаў

Мясцовыя Саветы дэпутатаў - гэта прадстаўнічыя дзяржаўныя органы, якія выбіраюцца грамадзянамі адпаведных адміністрацыйна-тэрытарыяльных адзінак на 4 гады.

Тры тэрытарыяльныя ўзроўні Саветаў дэпутатаў:

1. Абласны:

абласныя Саветы (6),

Мінскі гарадскі Савет.

2. Базавы:

раённыя Саветы (118),

гарадскія (гарады абласнога падпарадкавання) Саветы (10).

3. Пярвічны:

гарадскія (гарады раённага падпарадкавання) Саветы (14),

пасялковыя Саветы (8),

сельскія Саветы (1152).

Асноўная форма дзейнасці Савета - сесія, якая склікаецца па меры неабходнасці, але не радзей як адзін раз у квартал. Акрамя таго, дэпутат мясцовага Савета павінен не радзей як адзін раз у месяц праводзіць асабісты прыём грамадзян.

Паўнамоцтвы мясцовых Саветаў дэпутатаў:

забеспячэнне выканання на падведамнай тэрыторыі законаў;

зацвярджэнне праграм жыллёвага і дарожнага будаўніцтва, добраўпарадкавання, аховы прыроды і інш.;

устанаўленне мясцовых падаткаў, збораў і пошлін;

ажыццяўленне прыватызацыі камунальнай уласнасці;

распараджэнне прыроднымі рэсурсамі;

удзел у распрацоўцы, зацвярджэнні і рэалізацыі праектаў планіроўкі і забудовы населеных пунктаў;

ахова правоў і свабод грамадзян.

Крыніца: Цэнтральная камісія Беларусі па выбарах і правядзенні рэспубліканскіх рэферэндумаў.

Топ-навіны
Свежыя навіны Беларусі