1. Дзяржтэхагляд транспартных сродкаў (ТС) праводзіцца незалежна ад месца іх дзяржаўнай рэгістрацыі.
2. На дыягнастычную станцыю аўтамабіль прадстаўляецца ў чыстым выглядзе.
3. Відзіцель прад'яўляе:
вадзіцельскае пасведчанне з талонам да яго,
пасведчанне аб рэгістрацыі ТС (тэхнічны пашпарт),
дакумент, які пацвярджае ўнясенне платы за правядзенне дзяржтэхагляду*.
Таксама неабходна мець:
дзеючы дагавор страхавання аўтамабіля,
дзеючую медыцынскую даведку,
дакументы на газавае абсталяванне (калі ўстаноўлена).
4. Акрамя таго, трэба ўнесці дзяржаўную пошліну за выдачу дазволу на допуск ТС да ўдзелу ў дарожным руху:
легкавы аўтамабіль - 7 - 14 базавых велічынь**,
матацыкл - 3 БВ,
грузавы аўтамабіль - 12 - 25 БВ,
аўтобус - 12 - 22 БВ.
5. Дазвол на допуск ТС да ўдзелу ў дарожным руху размяшчаецца ў правым ніжнім вугле ветравога шкла. Дазвол для прычэпа, квадрацыкла, мапеда, матацыкла захоўваецца ва ўладальніка.
З 1 студзеня 2018 года:
адзнака аб праходжанні тэхагляду пераносіцца пры ўнясенні змяненняў у пасведчанне аб рэгістрацыі ТС (тэхпашпарт), пры выдачы дубліката пасведчання аб рэгістрацыі транспартнага сродку, а таксама пры выдачы новага дакумента (сертыфіката) аб праходжанні дзяржтэхагляду;
адзнака пераносіцца таксама пры дзяржрэгістрацыі ТС новым уласнікам у перыяд дзеяння дазволу на допуск ТС да ўдзелу ў дарожным руху.
* Залежыць ад віду транспартнага сродку і тарыфаў дыягнастычнай станцыі.
** Базавая велічыня цяпер складае Br23.
Крыніца: палажэнне аб парадку правядзення дзяржаўнага тэхнічнага агляду транспартных сродкаў і іх допуску да ўдзелу ў дарожным руху, пастанова Савета Міністраў №933 ад 6 снежня 2017 года.
