18 верасня, Барысаў /Кар. БЕЛТА/. Узброеныя сілы Беларусі і Расіі адпрацавалі сёння на Барысаўскім палігоне пытанні ўзаемадзеяння пры адбіцці наступлення праціўніка і правядзенні контратакі для аднаўлення страчанага становішча па пярэднім краі абароны войскаў Саюзнай дзяржавы, перадае карэспандэнт БЕЛТА.
Бітва вялася не толькі на зямлі, але і ў паветры. Вялікая ўвага была ўдзелена арганізацыі ўзаемадзеяння на ўсіх узроўнях паміж падраздзяленнямі, воінскімі часцямі і злучэннямі.
Паводле слоў намесніка начальніка Галоўнага ўпраўлення баявой падрыхтоўкі УС Расіі генерал-маёра Дзмітрыя Гарбаценкі, беларускія і расійскія ваеннаслужачыя наладзілі эфектыўнае і паспяховае ўзаемадзеянне. "Максімальна збліжаныя дзеянні штабоў і падраздзяленняў забяспечваюць той самы поспех, які мы сёння назіралі", - адзначыў ён.-0-
Фота Раміля Насібуліна
