20 верасня ў Брэсцкім тэатры лялек адбыўся перадпрэм'ерны паказ спектакля "Новая зямля" паводле паэмы класіка беларускай літаратуры Якуба Коласа. 22 верасня гэтым спектаклем будзе адкрывацца новы 55 тэатральны сезон. Пастаноўка прымеркавана да 135-годдзя з дня нараджэння Якуба Коласа.
Актуальнасць паэмы, сапраўдная народнасць, шматграннасць характараў герояў, багатая і каларытная мова - усё гэта прыцягнула ўвагу і натхніла галоўнага рэжысёра тэатра Аляксандра Янушкевіча стварыць свой сцэнічны варыянт твора і ўвасобіць яго на сцэне.
У маштабным тэатральным праекце задзейнічаны ўвесь акцёрскі склад тэатра. Спектакль адрасаваны як падлеткавай, так і дарослай аўдыторыі.
Фота Кацярыны Гараевай.