XIV Калядны турнір аматараў хакея на прызы Прэзідэнта Беларусі праходзіў з 4 па 7 студзеня на лёдзе "Чыжоўка-Арэны" ў Мінску. Турнір запомніўся яркімі матчамі, якія падарылі сапраўднае спартыўнае свята.
Калядны міжнародны турнір аматараў хакея на прыз Прэзідэнта Беларусі праводзіцца ў Мінску з 2005 года. Беларуская каманда 11-ы раз выйграла гэтыя спаборніцтвы. Тройчы поспех святкавала расійская дружына (2007, 2011, 2015).
Каманда Маскоўскага раёна Мінска "Мядзведзь" абыграла ў фінале з лікам 4:3 сталічных "Грыфонаў" і стала пераможцай рэспубліканскіх спаборніцтваў "Залатая шайба" ў старэйшай узроставай групе. Бронзавымі прызёрамі "Залатой шайбы" сталі юныя хакеісты "Алімпа" з Лунінецкага раёна, якія ў матчы за трэцяе месца былі мацнейшымі за "Міраж" з Магілёўскай вобласці - 5:3.
