Асенні сельскагаспадарчы кірмаш спажывецкай кааперацыі праводзіцца ў Мінску 11 і 12 лістапада на пляцоўцы каля Палаца спорту.
Больш за 30 арганізацый Белкаапсаюза з усіх абласцей рэспублікі прапануюць сваю прадукцыю на гандлёвых радах даўжынёй больш як 300 м. Наведвальнікаў чакаюць шматлікія акцыі і дэгустацыі. Арганізавана работа пунктаў грамадскага харчавання (на 50 пасадачных месц), у меню якіх заяўлены стравы нацыянальнай кухні, шашлыкі, прадукцыя грыль, выпечка, глінтвейн і чай.
На кірмашы прадстаўлены шырокі асартымент мяса і мясных паўфабрыкатаў, каўбасных вырабаў і вэнджаніны, хлебабулачных і кандытарскіх вырабаў, свежыя агародніна, ягады і грыбы, саленні, квашэнні, а таксама кансервы і прадукцыя ўласнай вытворчасці прадпрыемстваў кааператыўнай прамысловасці і грамадскага харчавання.
Фота Генадзя Жынкова.