15 чэрвеня, Мінск /Кар. БЕЛТА/. ВУП Беларусі ў студзені-маі 2018 года вырас на 4,7 працэнта ў параўнанні з аналагічным перыядам мінулага года, паведамілі БЕЛТА ў Нацыянальным статыстычным камітэце.
Згодна з першай ацэнкай, аб'ём ВУП у бягучых цэнах склаў Br44,9 млрд, або ў супастаўных цэнах 104,7 працэнта да ўзроўню студзеня-мая 2017 года.
Індэкс-дэфлятар ВУП у студзені-маі 2018-га ў адносінах да аналагічнага перыяду папярэдняга года склаў 110,3 працэнта.-0-