18 студзеня, Мінск /Кар. БЕЛТА/. У 2016 годзе аб'ём ВУП Беларусі ў бягучых цэнах склаў Br94,3 млрд, або ў супастаўных цэнах 97,4 працэнта да ўзроўню 2015 года. Такая інфармацыя размешчана на сайце Нацыянальнага статыстычнага камітэта, паведамляе БЕЛТА.
Паводле даных Белстата, аб'ём прамысловай вытворчасці за год скараціўся на 0,4 працэнта да Br79,4 млрд. Аб'ём сельгасвытворчасці вырас на 3,4 працэнта да Br15,3 млрд.
Інвестыцыі ў асноўны капітал у 2016 годзе склалі Br18,1 млрд - на 17,9 працэнта менш у параўнанні з 2015 годам.
Рознічны тавараабарот знізіўся на 4,1 працэнта да Br36,2 млрд, аптовы - на 10,4 працэнта да Br64,8 млрд.-0-
