8 чэрвеня, Мінск /Кар. БЕЛТА/. Урад Беларусі прадастаўляе гарантыі Экспартна-імпартнаму банку Кітая (Эксімбанку) у пагашэнні крэдытаў для Беларускай чыгункі. Такое рашэнне змешчана ў пастановах Савета Міністраў ад 31 мая нумар 421, нумар 422, нумар 423, апублікаваных сёння на Нацыянальным прававым партале, паведамляе БЕЛТА.
Гарантыі ўрада прадастаўляюцца Эксімбанку ў пагашэнні крэдытаў па шэрагу інвестпраектаў Беларускай чыгункі, у прыватнасці, па крэдыце на $52,7 млн для фінансавання інвестыцыйнага праекта "Абнаўленне рухомага саставу БЧ. Набыццё 10 электравозаў". Акрамя таго, гарантыі выдаюцца па крэдыце на $76,4 млн, які выкарыстоўваецца для рэалізацыі праекта па электрыфікацыі напрамку Маладзечна - Гудагай - дзяржграніца, а таксама па крэдыце на $46,7 млн для набыцця яшчэ васьмі электравозаў.
Пачынаючы з 2010 года Беларуская чыгунка актыўна развівае гандлёва-эканамічнае супрацоўніцтва з кітайскімі партнёрамі. Так, пры ўдзеле кампаніі CUEC, Датунскага электравозабудаўнічага завода і Экспартна-імпартнага банка Кітая ўжо рэалізаваны два маштабныя інвестыцыйныя праекты - "Набыццё грузавых электравозаў" (закуплена 12 грузавых электравозаў БКГ-1) і "Электрыфікацыя ўчасткаў чыгункі Гомель - Жлобін - Асіповічы і Жлобін - Калінкавічы. Першая чарга. Участак Жлобін - Асіповічы". Для іх рэалізацыі прыцягнуты два крэдыты Эксімбанка КНР - на $84,8 млн і на $63,97 млн.-0-
