Поўная версія

У Саратаўскай вобласці плануюць вырабляць трактары МТЗ

Эканоміка 10.08.2018 | 13:42
У час сустрэчы. Фота МТЗ
У час сустрэчы. Фота МТЗ

10 жніўня, Мінск /Кар. БЕЛТА/. У Саратаўскай вобласці плануюць вырабляць трактары Мінскага трактарнага завода (МТЗ). Аб гэтым ішла размова на сустрэчы генеральнага дырэктара прадпрыемства Фёдара Дамаценкі з губернатарам Саратаўскай вобласці Валерыем Радаевым у ходзе выстаўкі "Саратаў-Агра. Дзень поля. 2018", паведамляе БЕЛТА са спасылкай на сайт МТЗ.

Фёдар Дамаценка адзначыў, што эксперты ўжо выбралі ў Саратаўскай вобласці прадпрыемствы, якія можна задзейнічаць у вытворчасці трактароў. Цяпер гэта 9 кампаній, але іх колькасць можа ўзрасці да 15. Узровень лакалізацыі вытворчасці перавысіць 50 працэнтаў.

Валерый Радаеў выказаў вялікую зацікаўленасць у рэалізацыі праекта па вытворчасці трактароў і, звяртаючыся да кіраўніцтва беларускага завода, сказаў: "Праект будзе садзейнічаць загрузцы магутнасцей дзевяці саратаўскіх прадпрыемстваў, гатовых да серыйнай вытворчасці вузлоў і камплектуючых беларускіх трактароў. Рады, што ў вас таксама ёсць намер стварыць гэту вытворчасць. Без такой тэхнікі, як вашы трактары, нашым сельгасвытворцам, асабліва ў Заволжы, было б цяжка абысціся. Упэўнены, у нас усё атрымаецца".

У гаспадарках Саратаўскай вобласці працуе больш за 7 тыс. трактароў МТЗ, або каля 40 працэнтаў ад іх агульнай колькасці ў рэгіёне. Пры гэтым кожны год парк сельгастэхнікі абнаўляецца беларускімі машынамі.

Сельскагаспадарчая выстаўка "Саратаў-Агра. Дзень поля-2018" праходзіць 9-10 жніўня. Яна сабрала амаль 120 кампаній, якія прадстаўляюць узоры сельскагаспадарчай тэхнікі, тэхналогіі для млынавых і элеватарных комплексаў, будаўніцтва аграрных збудаванняў, навінкі сістэм навігацыі, насенне, угнаенні і многае іншае.-0-

Навіны рубрыкі Эканоміка
Прадпрыемствы "Беллегпрама" прадставяць Беларусь на "Еўразійскім тыдні" ў Арменіі
19 кастрычніка, 18:05
Наглядальны савет Беларусбанка ўзначаліў Аляксандр Турчын
19 кастрычніка, 17:04
Беларусь прадставіць інвестыцыйны патэнцыял на форуме ў Жэневе
19 кастрычніка, 11:01
Аляксандр Шумілін. Фота з архіва Шумілін: сістэма прагназавання дасць магчымасць Беларусі вызначыць перспектыўныя сектары эканомікі
19 кастрычніка, 09:46
РФ дадаткова пералічыць Беларусі больш як $400 млн у якасці пошлін на нафту
19 кастрычніка, 09:17
ЕБРР, ЕІБ і Сусветны банк пачынаюць новае даследаванне прадпрыемстваў у Беларусі
18 кастрычніка, 19:36
Дзмітрый Матусевіч. Фота з архіва У Беларусі перафармаціруюць сістэму падтрымкі малога і сярэдняга прадпрымальніцтва
18 кастрычніка, 17:54
Рассельгаснагляд інспектуе беларускіх вытворцаў таматаў і пекінскай капусты
18 кастрычніка, 13:49
Эксперты ўзгодняць беларуска-індыйскі пратакол па далучэнні Беларусі да СГА
18 кастрычніка, 13:46
Поўная версія