14 лютага, Мінск /Кар. БЕЛТА/. Мінскі гарадскі выканаўчы камітэт устанавіў новыя нарматывы фактычнага расходу цеплавой энергіі ў жылых дамах, не абсталяваных прыборамі групавога ўліку расходу цяпла. Адпаведнае рашэнне Мінгарвыканкама нумар 330 ад 1 лютага 2018 года афіцыйна апублікавана сёння на Нацыянальным прававым інтэрнэт-партале, паведамляе БЕЛТА.
Нарматыў фактычнага спажывання цеплавой энергіі на ацяпленне 1 кв.м агульнай плошчы жылых памяшканняў на снежань 2017 года ўстаноўлены ў памеры 0,0171 Гкал/кв.м, а на падагрэў 1 куб.м вады на снежань 2017 года - 0,0788 Гкал/куб.м.
Такія нарматывы ўстаноўлены на падставе ч.2 п.29 палажэння аб парадку разлікаў і ўнясення платы за жыллёва-камунальныя паслугі і платы за карыстанне жылымі памяшканнямі дзяржаўнага жыллёвага фонду.
Рашэнне Мінгарвыканкама ўступае ў сілу пасля яго афіцыйнага апублікавання.-0-
