10 ліпеня, Мінск /Кар. БЕЛТА/. У Беларусі завяршаецца ўборка азімага ячменю, паведамляе БЕЛТА са спасылкай на аператыўныя даныя Міністэрства сельскай гаспадаркі і харчавання.
Паводле інфармацыі на 10 ліпеня, азімы ячмень убраны на 95,5 працэнта плошчы. Яго намалочана 51,2 тыс. т, ураджайнасць складае 43,3 ц/га (у мінулым годзе на аналагічную дату яна была на ўзроўні 28,6 ц/га).
Акрамя таго, завяршаецца ўборка азімай свірэпіцы на зерне - заданне выканана на 99,1 працэнта. Намалот склаў 32,4 тыс. т, ураджайнасць - 10,3 ц/га, што на 1,13 цэнтнера больш, чым у мінулым годзе.
Аграрыі ўбралі 41,3 працэнта плошчы азімага рапсу на зерне. Намалот складае 215,5 тыс. т, ураджайнасць - 16,4 ц/га.-0-
