20 красавіка, Мінск /Кар. БЕЛТА/. У Беларусі вызначаны рахунак для залічэння сродкаў, заробленых на рэспубліканскім суботніку 21 красавіка, паведамілі БЕЛТА ў Міністэрстве інфармацыі.
Рэквізіты асобнага банкаўскага рахунку для залічэння грашовых сродкаў, заробленых на суботніку: бенефіцыяр - Міністэрства фінансаў, УНП бенефіцыяра - 100691903; нумар рахунку - BY31NBRB36409000001050000000 у беларускіх рублях; банк - Нацыянальны банк Беларусі; БІК банка - NBRBBY2X.
Як паведамлялася, рэспубліканскі суботнік рэкамендавана правесці 21 красавіка на рабочых месцах або добраўпарадкоўваць і прыводзіць у парадак гісторыка-культурныя каштоўнасці, тэрыторыі населеных пунктаў, рыхтаваць дзіцячыя аздараўленчыя і спартыўна-аздараўленчыя лагеры да летняга сезона. Кіраўнікі рэспубліканскіх дзяржорганаў прымуць асабісты ўдзел у суботніку з выездам на сваю малую радзіму.-0-
