Поўная версія

У Беларусі ў 2018 годзе плануецца падвоіць увод магутнасцей на мясцовых відах паліва

Эканоміка 14.02.2018 | 09:58
Фота з архіва
Фота з архіва

14 лютага, Мінск /Кар. БЕЛТА/. У Беларусі ў 2018 годзе плануецца падвоіць увод магутнасцей на мясцовых відах паліва, паведамілі карэспандэнту БЕЛТА ў Міністэрстве жыллёва-камунальнай гаспадаркі.

"У 2017 годзе ўведзена ў эксплуатацыю 84 МВт высокаэфектыўных магутнасцей на мясцовых відах паліва, або 130 працэнтаў да плана. На 2018-ы пастаўлена задача ўвесці ў эксплуатацыю больш як 160 МВт, яе выкананне запатрабуе максімальна дакладных і зладжаных дзеянняў кіраўнікоў і работнікаў", - расказалі ў міністэрстве.

У мінулым годзе сабекошт цеплавой энергіі ў сярэднім па краіне склаў Br99,3 за 1 Гкал пры чаканым паказчыку Br101, асноўнай задачай з'яўляецца яго зніжэнне да ўзроўню Br80. Разам з тым у сістэме ЖКГ засталася яшчэ 1 191 цеплавая крыніца, якая мае высокі сабекошт выпрацоўваемай цеплавой энергіі па прычыне неэфектыўнага і незагружанага кацельнага абсталявання. Выкарыстанне драўняных шчэпак, торфу на новапабудаваных кацельнях мае сабекошт Br70-75 за 1 Гкал. Ёсць прыклады і больш нізкага сабекошту - на кацельні нумар 20 у Іванаве (Br64 за 1 Гкал) і кацельні ў пасёлку Сасновы Бор Светлагорскага раёна (Br68 за 1 Гкал).

Павысіць эканамічную і тэхналагічную эфектыўнасць цеплазабеспячэння плануецца шляхам аптымізацыі схем цеплазабеспячэння населеных пунктаў, мадэрнізацыі газавых кацельняў і кацельняў на мясцовых відах паліва. "Пры неабходным фінансаванні ў памеры Br300 млн эканомія бюджэтных сродкаў складзе амаль Br80 млн у год. Гэтыя праграмы павінны быць зацверджаны на абласным узроўні і ўзяты пад кантроль як самыя эфектыўныя мерапрыемствы па зніжэнні бюджэтнага субсідзіравання. Выгада будзе, у першую чаргу для мясцовых бюджэтаў", - растлумачылі ў Мінжылкамгасе.-0-

Навіны рубрыкі Эканоміка
Прадпрыемствы "Беллегпрама" прадставяць Беларусь на "Еўразійскім тыдні" ў Арменіі
19 кастрычніка, 18:05
Наглядальны савет Беларусбанка ўзначаліў Аляксандр Турчын
19 кастрычніка, 17:04
Беларусь прадставіць інвестыцыйны патэнцыял на форуме ў Жэневе
19 кастрычніка, 11:01
Аляксандр Шумілін. Фота з архіва Шумілін: сістэма прагназавання дасць магчымасць Беларусі вызначыць перспектыўныя сектары эканомікі
19 кастрычніка, 09:46
РФ дадаткова пералічыць Беларусі больш як $400 млн у якасці пошлін на нафту
19 кастрычніка, 09:17
ЕБРР, ЕІБ і Сусветны банк пачынаюць новае даследаванне прадпрыемстваў у Беларусі
18 кастрычніка, 19:36
Дзмітрый Матусевіч. Фота з архіва У Беларусі перафармаціруюць сістэму падтрымкі малога і сярэдняга прадпрымальніцтва
18 кастрычніка, 17:54
Рассельгаснагляд інспектуе беларускіх вытворцаў таматаў і пекінскай капусты
18 кастрычніка, 13:49
Эксперты ўзгодняць беларуска-індыйскі пратакол па далучэнні Беларусі да СГА
18 кастрычніка, 13:46
Поўная версія