Поўная версія

У Беларусі ў 2017 годзе чакаецца ўраджай бульбы 5,7 млн т

Эканоміка 13.09.2017 | 20:01

13 верасня, Мінск /Кар. БЕЛТА/. У Беларусі ў 2017 годзе чакаецца ўраджай бульбы 5,7 млн т, паведамілі карэспандэнту БЕЛТА ў прэс-службе Міністэрства сельскай гаспадаркі і харчавання.

У гаспадарках усіх катэгорый чаканая вытворчасць бульбы - 5,7 млн т, агародніны - 1,7 млн т, пладоў і ягад - 480 тыс. т. У сельскагаспадарчых арганізацыях і фермерскіх гаспадарках чаканая вытворчасць бульбы складае 1105 тыс. т, агародніны - 569 тыс. т, пладоў і ягад - 102,3 тыс. т. "Гэтыя аб'ёмы бульбы і плодаагародніннай прадукцыі дадуць магчымасць забяспечваць патрэбнасці ўнутранага рынку Беларусі і мець свабодныя рэсурсы, у тым ліку для пастаўкі на экспарт", - адзначылі ў прэс-службе.

З 1105 тыс. т бульбы 182 тыс. т будзе накіравана на насенне, 150 тыс. т - на прамысловую перапрацоўку, 165 тыс. т - для гандлю, грамадскага харчавання, закладкі ў стабілізацыйныя фонды, 608 тыс. т - для рэалізацыі на рынках, кірмашах, іншай рэалізацыі, уключаючы экспарт. З 569 тыс. т агародніны 167 тыс. т - для гандлю, грамадскага харчавання, закладкі ў стабілізацыйныя фонды, 59 тыс. т пойдзе на прамысловую перапрацоўку, 343 тыс. т - для рэалізацыі на рынках, кірмашах, іншай рэалізацыі, уключаючы экспарт. Са 102,3 тыс. т пладоў і ягад 20 тыс. т - для гандлю, грамадскага харчавання, закладкі ў стабілізацыйныя фонды, 20,2 тыс. т пойдзе на прамысловую перапрацоўку, 62,1 тыс. т - свабодныя рэсурсы, уключаючы экспарт.

Насычэнне ўнутранага рынку краіны пладова-ягаднай прадукцыяй ажыццяўляецца за кошт уступлення маладых садоў у плоданашэнне. У гаспадарках ёсць 36,8 тыс. га пладова-ягадных насаджэнняў, з якіх 8,3 тыс. га закладзена ў 2011-2016 гадах. У адпаведнасці з Дзяржаўнай праграмай развіцця аграрнага бізнесу на 2016-2020 гады штогод плануецца ажыццяўляць закладку садоў на плошчы 500 га.

Паводле інфармацыі на 13 верасня, у сельскагаспадарчых арганізацыях накапана 177,9 тыс. т бульбы. Усяго ўбрана 17,6 працэнта плошчаў пры сярэдняй ураджайнасці 328 ц/га.-0-

Навіны рубрыкі Эканоміка
Фота з архіва МТЗ паставіць у Азербайджан у 2017 годзе дадаткова 460 трактароў
22 верасня, 19:55
Указ аб развіцці гандлю і грамадскага харчавання пасадзейнічае захаванню якаснага абслугоўвання ў вёсцы - Калтовіч
22 верасня, 18:50
МАРГ правядзе растлумачальную кампанію па ўказе аб развіцці гандлю і грамадскага харчавання ў вёсцы
22 верасня, 18:18
Першае ў Беларусі прадпрыемства па вытворчасці тармазных калодак адкрылася ў Старых Дарогах
22 верасня, 16:07
Менш праверак і штрафы для "кантралёраў" - Анфімаў расказаў, як зменіцца кантроль у бізнес-сферы
22 верасня, 15:35
Апублікаваны пералік відаў алкагольнай прадукцыі для конкурсу на права імпарту
22 верасня, 15:16
Фота з архіва У Беларусі распрацоўваецца ўказ аб павышэнні зарплат вучоных
22 верасня, 14:22
Палата падатковых кансультантаў ствараецца ў Беларусі
21 верасня, 17:43
Тэхзаданне на распрацоўку Нацыянальнай сістэмы беспапяровага гандлю будзе ў лістападзе-снежні
21 верасня, 17:13
Поўная версія