12 лютага, Мінск /Кар. БЕЛТА/. У Беларусі рэфармуюць нацыянальную сістэму бухгалтарскага ўліку і справаздачнасці сектара дзяржаўнага кіравання. Канцэпцыя рэфармавання і план адпаведных мерапрыемстваў зацверджаны пастановай Савета Міністраў ад 9 лютага 2019 года нумар 82, паведамляе БЕЛТА са спасылкай на сайт урада.
Галоўная мэта рэфармавання сістэмы бухгалтарскага ўліку і справаздачнасці - павышэнне якасці і празрыстасці інфармацыі аб фінансавым становішчы і выніках дзейнасці арганізацый сектара дзяржкіравання.
Канцэпцыяй прадугледжана распрацоўка і ўкараненне адзінага плана рахункаў, інтэграванага з бюджэтнай класіфікацыяй. Укараняць адзіны план рахункаў у практыку вядзення бухуліку арганізацый прадугледжваецца ў два этапы. На першым этапе плануецца прымяненне адзінага плана рахункаў на ўзроўні асобных дзяржорганаў і іншых бюджэтных арганізацый у час пілотных праектаў. На другім этапе прадугледжваецца ўкараненне адзінага плана рахункаў у практычную дзейнасць усіх арганізацый сектара дзяржкіравання, якія маюць статус бюджэтных арганізацый.
Адзін з ключавых фактараў эфектыўнай рэалізацыі канцэпцыі - развіццё кадравага патэнцыялу. Павышэнне кваліфікацыі спецыялістаў плануецца арганізоўваць з улікам максімальнай колькасці навучэнцаў, мінімальных тэрмінаў навучання, абгрунтаваных затрат для дасягнення вынікаў.-0-