Поўная версія

У Беларусі пачалася рэалізацыя праекта па капрамонце жылых дамоў за адзін месяц

Эканоміка 10.08.2017 | 17:32

10 жніўня, Мінск /Вера Сяргеева - БЕЛТА/. У Беларусі пачалася рэалізацыя праекта па выкананні капітальнага рамонту жылых дамоў за адзін месяц. Аб гэтым паведаміў сёння на прэс-канферэнцыі начальнік упраўлення жыллёвай гаспадаркі Міністэрства жыллёва-камунальнай гаспадаркі Андрэй Рамашка, перадае карэспандэнт БЕЛТА.

"Прынята рашэнне аб пераглядзе нарматыўных тэрмінаў правядзення работ пры капітальным рамонце жылля. Стаіць задача праводзіць яго ў максімальна кароткія тэрміны. Цяпер у Мінску і кожнай вобласці Беларусі вызначаны дамы для пілотнага праекта па правядзенні капрамонту за адзін месяц. Пры гэтым якасць работ будзе высокай", - сказаў Андрэй Рамашка.

Ён таксама падкрэсліў, што капрамонт жылога шматкватэрнага дома прадугледжвае рамонт агульнай маёмасці: даху, сістэмы ацяплення, водазабеспячэння, газазабеспячэння, інжынерных сістэм, каналізацыі. Для выканання работ па замене агульнадамавых сетак будаўнікам трэба будзе заходзіць у кватэры. "У цэлым пілотны праект прадугледжвае, што з моманту ўладкавання будаўнічага гарадка да яго зняцця павінен прайсці месяц", - растлумачыў ён. Цяпер нарматыўныя тэрміны правядзення капітальнага рамонту жылфонду складаюць 3,5-5 месяцаў.

Андрэй Рамашка растлумачыў мэты пілотнага праекта: "Гэты эксперымент павінен паказаць рэзервы скарачэння затрат і павелічэння якасці капрамонту. Чым менш будаўнікі будуць знаходзіцца на аб'екце, чым тэхналагічней будзе працэс рамонтных работ, тым гэты рамонт будзе таннейшы".

Акрамя таго, ён адзначыў, што адна з галоўных задач дзяржзаказчыка заключаецца ў арганізацыі работы са спажыўцом: "Недзе можна і ў пазарабочы час арганізаваць дадатковую змену такім чынам, каб гэта было зручна ўсім жыльцам, прапаноўваць падыходы. Па графіку работы павінны быць выкананы без замінкі".

Начальнік аддзела капрамонту ДА "Мінская гарадская жыллёвая гаспадарка" Валянціна Чыгір праінфармавала, што ў праекце прымаюць удзел дамы ў Мінску па адрасах: Партызанскі праспект, 62, вул. Надзеждзінская, 19-1, вул. К.Лібкнехта, 118, вул. Казінца, 51-3, вул. Андрэеўская, 7-2, вул. Кедышкі, 8, вул. Ламаносава, 8, вул. Бельскага, 21, вул. Прытыцкага, 10, вул. Арлоўская, 6. "У трох дамах праведзены ўжо сходы жыльцоў, яны праінфармаваны аб неабходнасці прадастаўлення доступу будаўнікоў у кватэры. Людзі паставіліся да гэтага пазітыўна", - растлумачыла яна.-0-

Навіны рубрыкі Эканоміка
Фота з архіва МТЗ паставіць у Азербайджан у 2017 годзе дадаткова 460 трактароў
22 верасня, 19:55
Указ аб развіцці гандлю і грамадскага харчавання пасадзейнічае захаванню якаснага абслугоўвання ў вёсцы - Калтовіч
22 верасня, 18:50
МАРГ правядзе растлумачальную кампанію па ўказе аб развіцці гандлю і грамадскага харчавання ў вёсцы
22 верасня, 18:18
Першае ў Беларусі прадпрыемства па вытворчасці тармазных калодак адкрылася ў Старых Дарогах
22 верасня, 16:07
Менш праверак і штрафы для "кантралёраў" - Анфімаў расказаў, як зменіцца кантроль у бізнес-сферы
22 верасня, 15:35
Апублікаваны пералік відаў алкагольнай прадукцыі для конкурсу на права імпарту
22 верасня, 15:16
Фота з архіва У Беларусі распрацоўваецца ўказ аб павышэнні зарплат вучоных
22 верасня, 14:22
Палата падатковых кансультантаў ствараецца ў Беларусі
21 верасня, 17:43
Тэхзаданне на распрацоўку Нацыянальнай сістэмы беспапяровага гандлю будзе ў лістападзе-снежні
21 верасня, 17:13
Поўная версія