Поўная версія

Тэрмін выплаты падатку на зямлю і нерухомую маёмасць заканчваецца 15 лістапада

Эканоміка 13.11.2017 | 19:54
Фота з архіва
Фота з архіва

13 лістапада, Мінск /Кар. БЕЛТА/. Тэрмін выплаты падатку на зямлю і нерухомую маёмасць заканчваецца 15 лістапада, паведамілі БЕЛТА ў прэс-службе Міністэрства па падатках і зборах.

"У сераду, 15 лістапада, заканчваецца тэрмін выплаты грамадзянамі падатку на нерухомую маёмасць, зямельнага падатку і арэнднай платы за зямельныя ўчасткі, якія знаходзяцца ў дзяржаўнай уласнасці (маёмасныя плацяжы)", - падкрэслілі ў ведамстве.

Па стане на 1 кастрычніка на ўліку ў падатковых органах знаходзіцца 2,77 млн фізічных асоб, якія з'яўляюцца плацельшчыкамі маёмасных падаткаў. "Згодна з заканадаўствам, ільготы па такіх падатках у выглядзе поўнага вызвалення ад выплаты названых плацяжоў прадастаўлены больш як 46 працэнтам ад агульнай колькасці плацельшчыкаў. З іх найбольшая колькасць прыпадае на асоб, якія маюць права на льготы ў сувязі з дасягненнем пенсійнага ўзросту або па інваліднасці, а таксама тых, якія жывуць і працуюць у сельскай мясцовасці", - расказалі ў прэс-службе.

З улікам прадастаўленых ільгот у 2017 годзе маёмасныя плацяжы прад'яўлены да выплаты 1,5 млн фізічных асоб. У 2016 годзе яны былі прад'яўлены да выплаты 1,48 млн фізічных асоб.

Правесці выплату падаткаў і арэндную плату можна ў безнаяўным парадку (у тым ліку праз плацежную сістэму АРІП) або шляхам унясення сумы падатку наяўнымі грашыма ў банк, падатковы орган, пасялковы, сельскі выканаўчы і распарадчы орган або аператару паштовай сувязі. Больш падрабязную інфармацыю грамадзяне могуць атрымаць у падатковым органе па месцы жыхарства або па месцы знаходжання аб'екта нерухомай маёмасці (зямельнага ўчастка).-0-

Навіны рубрыкі Эканоміка
Прадпрыемствы "Беллегпрама" прадставяць Беларусь на "Еўразійскім тыдні" ў Арменіі
19 кастрычніка, 18:05
Наглядальны савет Беларусбанка ўзначаліў Аляксандр Турчын
19 кастрычніка, 17:04
Беларусь прадставіць інвестыцыйны патэнцыял на форуме ў Жэневе
19 кастрычніка, 11:01
Аляксандр Шумілін. Фота з архіва Шумілін: сістэма прагназавання дасць магчымасць Беларусі вызначыць перспектыўныя сектары эканомікі
19 кастрычніка, 09:46
РФ дадаткова пералічыць Беларусі больш як $400 млн у якасці пошлін на нафту
19 кастрычніка, 09:17
ЕБРР, ЕІБ і Сусветны банк пачынаюць новае даследаванне прадпрыемстваў у Беларусі
18 кастрычніка, 19:36
Дзмітрый Матусевіч. Фота з архіва У Беларусі перафармаціруюць сістэму падтрымкі малога і сярэдняга прадпрымальніцтва
18 кастрычніка, 17:54
Рассельгаснагляд інспектуе беларускіх вытворцаў таматаў і пекінскай капусты
18 кастрычніка, 13:49
Эксперты ўзгодняць беларуска-індыйскі пратакол па далучэнні Беларусі да СГА
18 кастрычніка, 13:46
Поўная версія