27 ліпеня, Мінск /Кар. БЕЛТА/. Тарыфы на электрычную энергію для прамысловых спажыўцоў з 1 ліпеня зніжаны на 2,3 працэнта, паведамілі БЕЛТА ў ДВА "Белэнерга".
"Гэта мера накіравана на павышэнне эфектыўнасці дзейнасці прамысловасці рэспублікі і забеспячэнне канкурэнтаздольнасці выпускаемай прадукцыі", - адзначылі ў "Белэнерга".
Зніжэнне тарыфаў на электрычную энергію для прамысловых спажыўцоў забяспечана за кошт некалькіх фактараў. Гэта рэалізацыя энергазабеспячальнымі арганізацыямі дадатковых мерапрыемстваў па зніжэнні выдаткаў, павышэнні эфектыўнасці выкарыстання матэрыяльных, фінансавых рэсурсаў, а таксама павелічэнне аб'ёмаў рэалізацыі энергіі.-0-
