Поўная версія

Сума крэдытных дагавораў Беларусбанка па адрасным субсідзіраванні жылля перавысіла Br6 млн

Эканоміка 12.10.2017 | 18:26

12 кастрычніка, Мінск /Кар. БЕЛТА/. Сума крэдытных дагавораў Беларусбанка па адрасным субсідзіраванні жылля перавысіла Br6 млн, паведамілі БЕЛТА ў банку.

Там адзначылі, што "Беларусбанк" першым пачаў крэдытаваць грамадзян з адрасным субсідзіраваннем жылля ў адпаведнасці з указам нумар 240. Менш як за месяц банк заключыў 131 крэдытны дагавор на суму Br6,3 млн. Усе - у Брэсцкай вобласці.

"У рэалізацыі гэтага праекта банк бачыць рэальную альтэрнатыву льготнаму крэдытаванню, - адзначыла намеснік старшыні праўлення ААТ "ААБ Беларусбанк" Святлана Кажэкіна. - Мы загадзя рыхтаваліся да гэтай адказнай работы, паколькі жыллёвае крэдытаванне для банка традыцыйна з'яўляецца адным з прыярытэтных напрамкаў. У нас добрая прафесійная школа і высокі ўзровень кампетэнцыі супрацоўнікаў банка".

Усяго ў 2017 годзе Беларусбанк плануе выдаць Br80 млн. "У той жа час аб'ём субсідзіруемага фінансавання павінен павялічыцца ў сувязі з ростам лімітаў крэдытавання для камерцыйных банкаў, якія падтрымалі дзяржаўную ініцыятыву, на Br74 млн. Адпаведныя змяненні замацаваны пастановай Савета Міністраў ад 29 верасня 2017 года нумар 728. Гэта мера сведчыць аб прыярытэце падтрымкі грамадзян у форме субсідзіруемых крэдытаў, прадугледжаных указам нумар 240", - гаворыцца ў паведамленні Беларусбанка.-0-

Навіны рубрыкі Эканоміка
Поўная версія