Поўная версія

Стаўка рэфінансавання зніжаецца да 10,5 працэнта гадавых

Эканоміка 14.02.2018 | 09:56
Фота з архіва
Фота з архіва

14 лютага, Мінск /Кар. БЕЛТА/. Стаўка рэфінансавання з 14 лютага зніжаецца з 11 працэнтаў да 10,5 працэнта гадавых, стаўкі па пастаянна даступных і двухбаковых аперацыях падтрымкі ліквіднасці - з 12 працэнтаў да 11,75 працэнта гадавых. Аб гэтым БЕЛТА паведамілі ва ўпраўленні інфармацыі і грамадскіх сувязей Нацыянальнага банка.

Гэта рашэнне прынята праўленнем Нацбанка з улікам існуючага і прагнознага ўзроўню інфляцыі, аднаўленчага росту эканомікі, які працягваецца, а таксама спрыяльных тэндэнцый на знешніх рынках.

Інфляцыя па выніках 2017 года зменшылася да 4,6 працэнта з 10,6 працэнта ў 2016-м. Асноўны ўклад у запаволенне росту спажывецкіх цэн унесла базавая інфляцыя, якая ў 2017 годзе знізілася да 2,5 працэнта (у 2016 годзе - 10 працэнтаў). Прагназуецца, што ў бліжэйшыя месяцы прырост спажывецкіх цэн складзецца паблізу 5 працэнтаў у гадавым выражэнні. З улікам прынятага рашэння манетарныя ўмовы забяспечаць па выніках 2018 года ўтрыманне інфляцыі ў межах мэтавага параметру.

Фактары з боку попыту, такія як аднаўленне росту беларускай эканомікі і павелічэнне расходаў на канечнае спажыванне, абумоўленае ростам грашовых даходаў насельніцтва, знаходзяцца паблізу раўнаважных значэнняў, якія не аказваюць націску на інфляцыю. Больш нізкія паказчыкі інфляцыі ў краінах - асноўных гандлёвых партнёрах Беларусі абмяжоўваюць рост унутраных цэн. Рызыкі паскарэння інфляцыі з боку знешніх фактараў ацэньваюцца як нізкія.

Дынаміка сярэдняй шырокай грашовай масы складваецца ў рамках траекторыі, якая адпавядае ўстаноўленаму мэтаваму дыяпазону на 2018 год. У бліжэйшыя месяцы чакаецца некаторае паскарэнне гадавых тэмпаў яе росту, што абумоўлена эфектам нізкай базы мінулага года.

"Далейшыя рашэнні па змяненні працэнтных ставак будуць залежаць ад адпаведнасці інфляцыі прагнознай траекторыі, развіцця сітуацыі ў эканоміцы і грашова-крэдытнай сферы, а таксама верагоднасці і велічыні рэалізацыі інфляцыйных рызык, якія стрымліваюць дасягненне сярэднетэрміновай мэты па інфляцыі", - рэзюмавалі ва ўпраўленні інфармацыі і грамадскіх сувязей Нацыянальнага банка.-0-

Навіны рубрыкі Эканоміка
Прадпрыемствы "Беллегпрама" прадставяць Беларусь на "Еўразійскім тыдні" ў Арменіі
19 кастрычніка, 18:05
Наглядальны савет Беларусбанка ўзначаліў Аляксандр Турчын
19 кастрычніка, 17:04
Беларусь прадставіць інвестыцыйны патэнцыял на форуме ў Жэневе
19 кастрычніка, 11:01
Аляксандр Шумілін. Фота з архіва Шумілін: сістэма прагназавання дасць магчымасць Беларусі вызначыць перспектыўныя сектары эканомікі
19 кастрычніка, 09:46
РФ дадаткова пералічыць Беларусі больш як $400 млн у якасці пошлін на нафту
19 кастрычніка, 09:17
ЕБРР, ЕІБ і Сусветны банк пачынаюць новае даследаванне прадпрыемстваў у Беларусі
18 кастрычніка, 19:36
Дзмітрый Матусевіч. Фота з архіва У Беларусі перафармаціруюць сістэму падтрымкі малога і сярэдняга прадпрымальніцтва
18 кастрычніка, 17:54
Рассельгаснагляд інспектуе беларускіх вытворцаў таматаў і пекінскай капусты
18 кастрычніка, 13:49
Эксперты ўзгодняць беларуска-індыйскі пратакол па далучэнні Беларусі да СГА
18 кастрычніка, 13:46
Поўная версія