2 кастрычніка, Мінск /Кар. БЕЛТА/. Сяўба азімых збожжавых завяршаецца ў Беларусі, паведамілі карэспандэнту БЕЛТА ў Міністэрстве сельскай гаспадаркі і харчавання.
Паводле даных на 2 кастрычніка, сяўба азімых збожжавых праведзена на плошчы больш як 1,2 млн га (95,6 працэнта ад плана). У Мінскай і Віцебскай абласцях сяўба завершана. У Магілёўскай вобласці азімыя збожжавыя пасеяны на 97,2 працэнта плошчаў, Брэсцкай - 95,1 працэнта, Гродзенскай - 89,3 працэнта, Гомельскай - 75,7 працэнта.
Бульба ўбрана з 21,1 тыс. га (70,5 працэнта ад плана), накапана 589,5 тыс. т. Ураджайнасць складае 279,8 ц/га.
Кукуруза ўбрана з 632,1 тыс. га (65,4 працэнта ад плана). Зерня кукурузы намалочана 752,5 тыс. т (ураджайнасць вышэйшая за мінулагоднюю - 84,3 ц/га супраць 74,3 ц/га).
Цукровых буракоў сабралі з 35,9 працэнта плошчаў, накапана больш як 1,5 млн т. Ураджайнасць склалася на ўзроўні 431,7 ц/га. Цукрыстасць вышэйшая за мінулагоднюю: 16,37 працэнта супраць 15,41 працэнта.-0-