9 лютага, Мінск /Кар. БЕЛТА/. Сусветны банк плануе выдзеліць $100 млн на цеплавую рэабілітацыю жылфонду Беларусі і будаўніцтва кацельняў на драўнянай біямасе, паведамілі карэспандэнту БЕЛТА ў прадстаўніцтве Сусветнага банка ў Беларусі.
"Прыйшлі да згоды з урадам Беларусі аб тым, што мы прадаставім больш за $50 млн для тэрмарэабілітацыі жыллёвага фонду Беларусі, а таксама для будаўніцтва новых кацельняў, якія будуць працаваць на драўнянай біямасе, увогуле плануецца выдзяленне $100 млн. Гэтыя інвестыцыі дадуць магчымасць, з аднаго боку, скараціць расходы на ацяпленне для грамадзян, з іншага, будуць садзейнічаць змяншэнню выкідаў вуглякіслага газу ў атмасферу", - пракаменціраваў кіраўнік прадстаўніцтва Сусветнага банка ў Беларусі Аляксандр Крэмер.
Акрамя таго, на сакавік запланавана прадстаўленне Савету дырэктараў Сусветнага банка праекта па дадатковым фінансаванні сектара лясной гаспадаркі Беларусі ў памеры $14 млн.
З таго часу як Беларусь стала членам Сусветнага банка ў 1992 годзе, СБ прадаставіў краіне крэдытныя рэсурсы на суму $1,7 млрд. На гэты момант інвестыцыйны партфель Сусветнага банка ў Беларусі ўключае восем праектаў на агульную суму $775 млн.-0-
