15 чэрвеня, Масква /Эдуард Півавар - БЕЛТА/. Дэпутаты Парламенцкага сходу Саюза Беларусі і Расіі на праведзеных у Калінінградзе парламенцкіх слуханнях адобрылі рэкамендацыі па забеспячэнні аднолькавых умоў суб'ектам гаспадарання Беларусі і Расіі, паведамілі БЕЛТА ў прэс-службе сходу.
"Дэпутаты разгледзелі найбольш вострыя праблемы ў ажыццяўленні гандлёва-эканамічнага супрацоўніцтва Беларусі і Расіі. Па выніках абмеркавання і з улікам паступіўшых прапаноў саюзныя парламентарыі адобрылі рэкамендацыі па ўстараненні існуючых бар'ераў і абмежаванняў", - адзначылі ў прэс-службе.
Рэкамендацыі слуханняў змяшчаюць сістэмныя і комплексныя прапановы, накіраваныя на ўстараненне перашкод для стварэння адзінай эканамічнай прасторы і прававых асноў агульнага рынку, забеспячэння свабоднага перамяшчэння тавараў, работ, паслуг, капіталаў і рабочай сілы ў межах тэрыторый дзяржаў - удзельніц дагавора аб стварэнні Саюзнай дзяржавы, аднолькавых умоў і гарантый для дзейнасці суб'ектаў гаспадарання. "Падагульняючы дакумент таксама змяшчае пералік канкрэтных заканадаўчых бар'ераў і абмежаванняў у гандлёвых адносінах паміж Беларуссю і Расіяй, выяўленых у выніку правядзення парламенцкіх слуханняў. Прапанаваны магчымыя спосабы ўстаранення названых бар'ераў і абмежаванняў", - падкрэслілі ў Парламенцкім сходзе.
Акрамя саюзных парламентарыяў у мерапрыемстве прынялі таксама ўдзел прадстаўнікі Пастаяннага камітэта Саюзнай дзяржавы, Еўразійскай эканамічнай камісіі, міністэрстваў і ведамстваў Беларусі і Расіі, Нацыянальнага цэнтра заканадаўства і прававых даследаванняў Беларусі, урада Калінінградскай вобласці і Калінінградскай абласной Думы, органаў улады іншых рэгіёнаў Расіі, а таксама Беларускай гандлёва-прамысловай палаты.
"Разгляд пытанняў збліжэння заканадаўстваў Беларусі і Расіі ў галіне забеспячэння аднолькавых умоў суб'ектам гаспадарання будзе прадоўжаны 18 чэрвеня ў Брэсце на 54-й сесіі Парламенцкага сходу Саюза Беларусі і Расіі", - дадалі ў прэс-службе.-0-
