Поўная версія

Румас расказаў, куды ў 2017 годзе накіроўваліся сродкі сямейнага капіталу

Эканоміка 28.12.2017 | 20:01
Сяргей Румас. Фота з архіва
Сяргей Румас. Фота з архіва

28 снежня, Мінск /Кар. БЕЛТА/. Старшыня праўлення ААТ "Банк развіцця Рэспублікі Беларусь" Сяргей Румас расказаў журналістам, куды ў 2017 годзе накіроўваліся сродкі сямейнага капіталу, перадае карэспандэнт БЕЛТА.

"У гэтым годзе асноўныя праекты, дзе працавалі сродкі сямейнага капіталу, - гэта будаўніцтва другой узлётна-пасадачнай паласы ў Нацыянальным аэрапорце, дарог Мінск-Мядзел і Мінск-Мікашэвічы, набыццё самалётаў "Белавія". Акрамя таго, мы ўкладалі іх у аблігацыі Беларускай чыгункі, а таксама аблігацыі суб'ектаў гаспадарання, такіх як "Контэ Спа" і Тураўскі малочны камбінат", - расказаў кіраўнік Банка развіцця.

Пры гэтым Сяргей Румас адзначыў, што гаварыць, якія праекты будуць прафінансаваны за кошт сродкаў сямейнага капіталу ў 2018 годзе, пакуль рана. "Рашэнне аб канкрэтным укладанні гэтых сродкаў прымае не старшыня праўлення, а крэдытны камітэт. Перш чым дакументы трапляюць на разгляд у крэдытны камітэт, яны праходзяць вельмі складаную працэдуру. Але ў наступным годзе праекты таксама будуць, таму што мы выконваем тую фінансавую мадэль, якая закладзена ва ўказе, а для гэтага трэба, каб сродкі сямейнага капіталу працавалі ў акупных праектах", - адзначыў ён.

Гэты від доўгатэрміновай падтрымкі шматдзетных сем'яў быў уведзены з 1 студзеня 2015 года па дзяржпраграме "Здароўе народа і дэмаграфічная бяспека". Сямейны капітал - аднаразовае прадастаўленне безнаяўных грашовых сродкаў у памеры $10 тыс. пры нараджэнні, усынаўленні (удачарэнні) трэцяга або наступных дзяцей. У 2015 годзе было адкрыта 11582 дэпазітныя рахункі, у 2016-м - 18983.

Праграма падтрымкі шматдзетных сем'яў разлічана на 5 гадоў - з 1 студзеня 2015 па 31 снежня 2019 года. Грашовыя сродкі ў памеры $10 тыс. прадастаўляюцца сем'ям для выкарыстання ў Беларусі ў поўным аб'ёме або па частках у безнаяўным парадку - па адным або некалькіх напрамках: паляпшэнне жыллёвых умоў, атрыманне адукацыі, атрыманне паслуг у сферы сацыяльнага абслугоўвання, аховы здароўя, фарміраванне накапляльнай (дадатковай) пенсіі маці (мачахі) у поўнай сям'і, аднаго з бацькоў у няпоўнай сям'і.

Да пачатку выкарыстання налічанага сямейнага капіталу гэтыя сродкі кіруюцца Банкам развіцця.-0-

Навіны рубрыкі Эканоміка
Прадпрыемствы "Беллегпрама" прадставяць Беларусь на "Еўразійскім тыдні" ў Арменіі
19 кастрычніка, 18:05
Наглядальны савет Беларусбанка ўзначаліў Аляксандр Турчын
19 кастрычніка, 17:04
Беларусь прадставіць інвестыцыйны патэнцыял на форуме ў Жэневе
19 кастрычніка, 11:01
Аляксандр Шумілін. Фота з архіва Шумілін: сістэма прагназавання дасць магчымасць Беларусі вызначыць перспектыўныя сектары эканомікі
19 кастрычніка, 09:46
РФ дадаткова пералічыць Беларусі больш як $400 млн у якасці пошлін на нафту
19 кастрычніка, 09:17
ЕБРР, ЕІБ і Сусветны банк пачынаюць новае даследаванне прадпрыемстваў у Беларусі
18 кастрычніка, 19:36
Дзмітрый Матусевіч. Фота з архіва У Беларусі перафармаціруюць сістэму падтрымкі малога і сярэдняга прадпрымальніцтва
18 кастрычніка, 17:54
Рассельгаснагляд інспектуе беларускіх вытворцаў таматаў і пекінскай капусты
18 кастрычніка, 13:49
Эксперты ўзгодняць беларуска-індыйскі пратакол па далучэнні Беларусі да СГА
18 кастрычніка, 13:46
Поўная версія